منتديات تو زوو - صور دواجني ((تصوير اليوم))

منتديات تو زوو (http://www.2zoo.com/vb/index.php)

- قسم هواة الطيور الداجنة (http://www.2zoo.com/vb/forumdisplay.php?f=63)

- - صور دواجني ((تصوير اليوم)) (http://www.2zoo.com/vb/showthread.php?t=62666)

رد: صور دواجني ((تصوير اليوم))

اقتباس:

المشاركة الأصلية كتبت بواسطة Hydro (المشاركة 631779)

السلام عليكم ..

ما شاء الله تبارك الرحمن , دجاج ولا اروع !!

الصراحه بما اني هاوي تربية الدجاج ومع اني تاركها من زمان لكن الحين راح ارجعلها وبقوة وان شاء الله ناوي اشتري نفس نوعيتك !!

بس ياريت لو تفيدني بجم سؤال , شنو نوع الدجاج اللي حاط صوره؟ وعلى جم تنباع الدجاجه بسوق الجمعه بالكويت؟ بما انه الحين موسم صيف وانت عارف اكيد الاسعار بتكون طايحه والشرايه شوي :)))

أخوي انا مو صاحب الموضوع بس يمكن أفيدك :D

بصراحه ماشاالله خوش دياي انا بعد كنت اربي ومازلت بالنسبه حق الاسعار الحين صح كلامك طايحه الاسعار الحين يعن تقدر تحصل الديج على دينارين او 3 بالكثير انا آخر مره شريت بالشتا ديج وديايتين بـ 5 دنانير .

وتبي نصيحه مني ربيلك دياي انا ودي ازيد الانتاج بس للأسف البلديه دشو حديقتنا وشالت الأقفاص ..

..........................................................................................................................

بالنسبه للدياي اخوي ماشالله بقمه الروعه والفروخ اجمل وأجمل ...

تقبل مروري ...

رد: صور دواجني ((تصوير اليوم))

عبيد ترا انت خوفتني !!

احنا حديقتنا على قد حالينا صغيره وصايره امام المنزل !!

ممكن اعرف الاسباب ليش البلدية شالت الاقفاص ؟؟

وبعدين ما قلتلي شنو نوع الدجاج اللي بهالموضوع ..

ومتى اخر مره رحت سوق الجمعه؟ وشلون الاسعار عندهم ..

وشكرا

رد: صور دواجني ((تصوير اليوم))

Hydro ,,,

السبب انه ممنوع الحين بالكويت انك تحط قفاص بالحديقه وممنوع الجبرات والدواوين وحنا من زمان عندنا اقفاص بحديقتنا قفاص دياي وحمام وارانب وجلاب وكل شي ...
بس الله يهداهم ماخلو شي حتى قفص الجلب الي طوله متر شالوه :(
والله قاعد افكر اطقلي محكر فوق السطح ....
او انك تخلى الدياي هداد بالحديقه ..

وبالنسبه لسوق الحمام انا اسبوعيا اهناك بس آخر مره سألت على أسعار الدياي كانت على دينارين او 3

والدياي الي بالموضوع هذا دياي عربي ((بلدي)) عادي..

وانا اربي كل الانواع الهندي والتايلندي وكل الانواع بس احلى شي العربي لا يعلا عليه ...

.....

رد: صور دواجني ((تصوير اليوم))

مشكووور ويعطيك العافيه على الصور ..

;)

رد: صور دواجني ((تصوير اليوم))

اها يعني تقصد لجنة ازالة التعديات على املاك الدولة :\\

والله توني ادري انهم حتى الاقفاص يشيلونها !!

بعدين تهقا لو احط محكر حديد واخشه ورا هالزرع بيدرون عنه ؟؟

وشكرا على هالمعلومات , وبالنسبه للاسعار على حد علمي ما تغيرت !

بس اظن الدجاج هذا العربي سمونه المنقط او شي جذي ...

رد: صور دواجني ((تصوير اليوم))

صدقني حتى لو دفنت القفص تحت التراب راح يلقونه :D

والدياي المنقط اتوقع يسمونه ((الدجاج الفيومي))

,,,,
:)

رد: صور دواجني ((تصوير اليوم))

ياحبيبييييييييييييي مع احترامي لك انت حبطت معنوياتي صج صج حدي أيست :\\\

المشكله اقدر احطهم بالسطح او الحوش بس ماراح يكون فيها متعه!

غير لما يكونون بالحديقه وتحتهم تراب يتقلبون عليه ويفيدهم :\

الله كرييم

رد: صور دواجني ((تصوير اليوم))

والله حتى انا مأيش حدي ما اقدر اربي الحين بس الحمدلله شوي حديقتنا عليها سور يعني اقدر اهدهم هداد

بس ما اقدر افرخهم عشان القطاوه ... :( بس صدقني فوق الصطح تمام ...