منتديات تو زوو - الدياي يبيض بس ما يرك :( ساعدوني اماانه برقبت كل من يعرف

منتديات تو زوو (http://www.2zoo.com/vb/index.php)

- قسم هواة الطيور الداجنة (http://www.2zoo.com/vb/forumdisplay.php?f=63)

رد: الدياي يبيض بس ما يرك :( ساعدوني اماانه برقبت كل من يعرف

الله يهداك يا عبيد العباسي سويت حركتك مالت الخشبه وصكيت عليها وماتت الديايه لا حول لوووووووول

علعموم الله كريم

رد: الدياي يبيض بس ما يرك :( ساعدوني اماانه برقبت كل من يعرف

اكيد بتموت اذا ما كانت واكله ولا شاربه
وانا قلتك مو اكثر من يوم واحد بس

رد: الدياي يبيض بس ما يرك :( ساعدوني اماانه برقبت كل من يعرف

انا ديايتي برحها ركت

يمعت البيض بين الشير بروحه انا ماجستهم خليتها على راحتها تقريبا صار لهم اسبوعين بعدها بروحها ركت ومشالله فقست يابت 5

اهم شي لاتشيل البيض

رد: الدياي يبيض بس ما يرك :( ساعدوني اماانه برقبت كل من يعرف

اقتباس:

المشاركة الأصلية كتبت بواسطة عبيد العباسي (المشاركة 548361)

اخوي عادي الديايه حتى لو ما تبيض ترك على البيض عادي بس ما انصحك تشتري مفرخه لانه شغلها مو عدل
انا عندي وحده ايطاليه تشيل 150 بيضه وشاريها 450 دينار كويتي بس شغلها مو تمام بس اول جم تفريخه وبعدين كله خرابات لا ومو بس جذي (تطلع كتاكيت معوقه بعد ) احسن شي واذا تبي الانتاج يطلع قوي انك تفرخ الدياي طبيعي

وبالنسبه للدياكه اذا مايتهاوشون عادي حطهم مع بعض

وفي شي مهم بغيت اقولك عنه انه لو ركت الديايه لازم مايظل معاها شي بالقفص لازم!!وانا مسوي حركه عندي
تخلي الدياي مايقربون من الديايه الي راكه وانشالله اوريك الصوره اليوم

اخوي حرام عليك بـ450 دينار شكلهم زايدين السعر .. الايطالية هذي سعرها 150 دينار عند الحميدان الي بالشويخ صوب المشاتل الي يم الايراني مال الفخار

على العموم روح شركة نايف عندهم المكاين صنع انجليزي ( BRIN SEA ) ماكينهم من 2000 لي يومك شغاله معاي ... اخوي لازم يكون فيه معوق هذا قدر ربك :) انا اشتغل بالتفريخ من 2000 وبس فرخين الي معوقين !! وبعدين اخوي انت لما ينتجون لازم تعدل رجولهم خلهم رجولهم تحت بطنهم مو فاتهة كل ريل بصوب ... وبعدين لازم توكلهم بروتينات عشان يقوي عظمة

رد: الدياي يبيض بس ما يرك :( ساعدوني اماانه برقبت كل من يعرف

بعض الدجاج ما يرك على بيضه الا لمى يبيض اخر بيضة

اهم شي خل البيض على راحته

رد: الدياي يبيض بس ما يرك :( ساعدوني اماانه برقبت كل من يعرف

السلام عليُكم

.

اخوي هالمشكله كنت اعاني منها في بدايتي لتربيه الدياي واايد صعبه
انت ذكرت عندك 3 دياجه و11 ديايه بمكان واحد انزين

عندي لك سؤال مكان البيض مكشوف يعني الكل يشوفه لانه الديايه اذا تبي ترك على البيض لازم
يكون مكان بعيد عن الدياي الثاني لانها اذا شافتهم ماترك على البيض
حاول مكان الي تبيض فيه بعيد ومحد يشوفه ..

/

ومثل ماذكروو اخواني الي قبلي سالفه تجبرها خطا ماكو شي اجباري لانك راح تضر الدياي اكثر
وسالفه الفقاسه مااشوف غير تضيعه الوقت يعني اول مايطلع اسبوع يموت لانه سبحان الله لازم امه تكون وياه
وخصوصا فصل الشتا مراح تستفيد شي ..

وانت حاول مكان التعشيش للبيض مكان مخفي مااشوفه احد وجرب وتشوف .

رد: الدياي يبيض بس ما يرك :( ساعدوني اماانه برقبت كل من يعرف

أخوي إسمع الكلام إللي يجمد على الشارب أنا لي 28سنة أربي دجاج وللمعلومية إنتاج الفقاسة لايقارن بالإنتاج الطبيعي ف90إلى 95 %من دجاج الفقاسة مايرك على البيض طول حياته لأنه ماعنده غريزة الأمومة بالإضافة إلى ضعف المناعه والأمور الإخرى.

رد: الدياي يبيض بس ما يرك :( ساعدوني اماانه برقبت كل من يعرف

والله ان عندي نفس المشكله يالله الله يعين

رد: الدياي يبيض بس ما يرك :( ساعدوني اماانه برقبت كل من يعرف

~ صُح نسينا نقطه
ومثل ماذكر اخوي .. zaljawi ..

يعني ديايك قبل بالفقاسه ولا طبيعي .!!

رد: الدياي يبيض بس ما يرك :( ساعدوني اماانه برقبت كل من يعرف

حل بسيط شيل الديج عنها عقب ما تترك التبييض