|
رد: اتمنى المساعده...
ليس مهم الآن ماهو نوعه الاهم هي الرعايه التامه له
يفضل اطعامه بأبره من الجهه اليمين حتى تستقر في الجهه اليسار ودفعها على خفيف لحد مايبلع ثم تكرار العمليه لحد ماتمتلئ الحوصله والاكل هو عباره عن اما سريلاك يكون ممزوج وسلس او بعض العلب الجاهزه المخصصه للفراخ وتباع في الغالب في صيداليات البيطره وبعض المحلات المتخصصه ويكون اطعامه اربع مرات في اليوم وعند التأكد ان الحوصله مليانه بفضل وقف الطعام عشان مايستفرغ من الاكل الزايد ويتعب ويفضل وضعه في كرتون صغير مناسب له ووضع نشاره الخشب تحته لكي يرتاح اثناء نومه ومن ناحيه التنظيف يفضل تنظيفه بواسطه قطعه قماش ناعمه الملمس مبلله بماء دافي وتمسيح المناطق المتسخه ويمكن معرفه صحتة عن طريق ملاحظه حركه الببغاء هل هو نشيط او لا وعن طريق أكله هل هو يتقبل بشهيه مفتوحه او لا وكذلك عن طريق الفضلات اكرمك الله هل هي طبيعيه وهكذا وطريقه انه يتعلق فيك احب اقول لك ان شاء الله راح يعلق فيك لأن الببغاء عند تربيته وهو صغير راح يتعلق بصاحبه بس اهم شي عندما يكبر تستمر المعامله اللطيفه معه التي تعود عليها منذ صغره وياليت عدم اهمال الفرخ وتركه في ايادي اشخاص يتنقلون به لانه صغير ولايستحمل وربما يتعرض للخطر لاسمح الله من تغير جو او سقوط وغيره .. افضل شي اخراجه من عشه واطعامه ثم يرجع للعش لكي يهضم طعامه براحه تامه وأي استفسار جاهزين بالخدمه |
رد: اتمنى المساعده...
مشكور اخويه وماتقصر ......
عن لاكل اخوي انا اعطيه من جهه اليمين ووانا اكله سريلك وافرم له تفاح ويكله ماشاءالله عادي او لا زم سريلك بس في بهذا العمر؟؟ وعم كم مره اكله انا اكله ساعه 7 اصبح ومره ساعه 11 ونص قريبا وبعدها ساعه 1 ونص وبعدها ساعه 3 ونص وبعدها ساعه 7 ونص سريلك + تفاح وبعدها ساعه 10 ونص .... هل هذا صح؟؟؟ ولا بس التزم بس 4 مرات في اليوم بس؟؟؟ اما عن تنظيف انظفه كل يوم اظهر بمنديل مبلل عادي ولا غب اليوم اسبحه؟؟ اهو يظهر صوت مثل صوت القطوه صغير هل هذا عادي؟؟؟ وبغبغاء يعرف صاحبه من صوته او ريحته؟؟؟ |
رد: اتمنى المساعده...
نوعيه الاكل المذكوره جيده
والوجبات اربع مرات في اليوم تكون بأنتظام وترتيب افضل له عشان مايتعب من الاكل الغير منتظم هذا هو اللي متعارف عليه عند اكثر المربين بس بشرط التأكد انه في الاربع وجبات يكون شبعان وطبعاً مهم تقطير بعض قطرات الماء في فمه وبالنسبه للصوت اللي يشبه صوت القطوه هذا شي عادي لصغر سنه وهو صوت يعبر به عن نفسه مثل اذا كان جايع ومحتاج أكل او يكون فرحان اذا شاف صاحبة اللي يرعاه لانه مثل الطفل الرضيع في هذي المرحله والببغاء يعرف صاحبه من ملامح وجهه وصوته لانه طائر ذكي في كل الاحوال ويحفظ شكل صاحبه ونبرة صوته |
رد: اتمنى المساعده...
مشكو اخويه والله ماقصرت صراحه فدتني ..... اشلون اعطيه ماي بعد كل اكله وشوه مقياس هل قطره بس او شويه ؟؟؟؟ واحيانا يفتح فمه مثل كانه يثاوب يتم يكرر الحركه ابي اعرف ليش تصير معاه هذي الحركه وشوه سببها وخصوصا بعد مااكله تفاح مفروم؟؟؟؟ واشلون ادربه اذا احد عنده تجربه او خبره يقولي طريقه؟؟؟ ومتى يتعلم يتكلم كم يكون عمره ؟؟؟ اما عن الوجات اخويه صرت اعطيه 7 اصبح وساعه 12 اظهر وساعه 3 ونص العصر وساعه 7 تفاح مفروم + سريلك واحيانا اعطيه ساعه 11 عادي او لازم لتزم 4 بوجبات في اليوم انا اشوفها صراحه شويه او شوه اقدر اكله غير سريلك يكون خفيف عليه ؟؟؟؟ واحيانا او دايم بس يشوف اصبعي يتم يعظها كانه جوعان واهو توه انا مكلته دايم يلس يعض اصابعي ابي اعرف سبب ليش؟؟؟؟ والله يعطيكم العافيه |
رد: اتمنى المساعده...
يفضل عدم اطعامه التفاح بكثرة في هذا العمر
حاليا كلميه كانه طفل صغير و خليه اكثر الوقت ينام و يرتاح وقت الكلام بيجي صبري ولا تستعجلي انا النيبالي اللي عندي صبرت عليه خمسة اشهر بس الحين من يصفر شوي يعني بيقلب البيت ضحك و سوالف و ازعاج |
رد: اتمنى المساعده...
الله يعطيك لف لف عافيه اخويه
انا دوم اعطيه تفاح مفرومبس اعطيته تفاح على ساعه 7 ونص يكون اهو مب ماكل شي صاله تقريبا 3 ساعات.. كم يوم الازم اعطيه في الاسبوع ؟؟؟ عن الكلام اكلمه على شكل طفل صغير واهو يطلعني واحيانا يلس يظهر صوت مثل صوت القطوه صغيره... ليش معرف؟؟؟ ماشاءالله 5 اشهر وايد ... وكم عمر بغبغاء لي عندك وشلون دربته ممكن تفدني اخويه....؟؟؟؟ والله يعطيك العافيه |
رد: اتمنى المساعده...
وين الاعضاء اتمنى احد يرد عليه....
والبغبغاء لي عندي اذا شاف اي شي تحرك راح يركض له ليش مدري واااااااااايد يعظ اصبعي ممكن احد يفدني بشي؟؟؟ |
رد: اتمنى المساعده...
اقتباس:
شي طبيعي انا سبق لي ربيت فرخ صغير وكان على اي صوت او شخص يتحرك يروح يركض ولما كنت احاول افسر الموضوع طلعت بنتائج اول شي اكتشفت انه يركض على اي صوت او اي حركه لما يكون جايع الثانيه اكتشفت انه يركض لاي احد او اي حركه وصوت ويحاول يدخل تحته ثم ينام ولما كان يركض لي كنت احط ايدي فوقه عالطول ينام وهذا معناه انه يكون محتاج لحضن والدفئ و الله اعلم وعض الاصبع انا كنت الاحظ اللي عندي يعض في حاله يكون جايع وهو كذا قاعد يلمح |
رد: اتمنى المساعده...
حاليا الطير صغير فيفضل الكلام معاه لانه في فترة تخزين الاصوات
و بتشوفينه مرة وحدة بيبتدي الكلام و لا بيسكت (عامليه كطفل) علامات الجوع العض و الصوت (مثل القطوة) بس لا تعطينه الاكل دائما لانه في هذا العمر بس يبغي ياكل و مايعرف حجم الاكل و انتي بتعطينه لين ينفجر من الاكل الزايد اما التدريب الباقي مثل الوقوف على اليد و الحركات..........الخ توه صغير و بعدين لين يشتد جسمه و يقدر يوازن روحه و تقوى عضلاته اما عن انه يندعس تحت اي شي و ينام هذي عادة الفروخ يبون الدفىء و النوم في هذا العمر حاولي تخلينه ينام شوي زيادة وراج مشوار طويل صبري شوي |
رد: اتمنى المساعده...
مشكورين والله وماقصرتو الله يعطيكم العافيه ..... بس انا ماكلته وشبعان وبعده يعظ ويركض ورا لاشياء لي تتحرك مثلا اختي يلسه تحرك اريولها يركض مره استغربت اشعنده ركض بعدها اشوف انه اختي تحرك اريولها .... او اذا احد تكلم وحرك ايده يلفت انتباهه اي شي تحرك قدامه او انا شلتنه يتم يعظ لبسي او ساعه حتى تلفون ماسلم منه وجهاز تلفوزيون بس انا مكلته ساعتها يعني معتقد يوعان او يبي ينام لانه اخشه واشليه بس نفس شي ...... بس شكله شيطان وانا اكلمه مثل اليهال واعمله مثل ياهل واتمنى يكبر اليوم قبل باجر علشان اعمله واشوفه يتكلم وان شاءالله خير.... |
| جميع الأوقات بتوقيت GMT +3. الساعة الآن 03:19 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو