المشاركة الأصلية كتبت بواسطة hassan-55 (المشاركة 3166020)

أي والله صدقت
مثل اللي يقول لك ما الفرق بين جهاز نوكيا أبو كشاف والايفون 6s plus
تقوله يا بن الحلال الايفون افضل يقولك لا اقنعني كيف تقنعه؟؟
والاخ يقول من الاذكى فرق بين السماء والأرض بين الدره والامازوني
لوقال ما الفرق بين الكاسكو والامازوني ممكن اما الدره صعب
ياخي اقل فئه او نوع في الامازون افضل بكثير من الدره

المشاركة الأصلية كتبت بواسطة AVOCADO (المشاركة 3165982)

عليكم السلام

هذا السؤال احس فيه ظلم كبير لطيور الأمازون

اقلها ان طائر الأمازون سريع التعلم والأستجابه عكس الدره تماما

طائر الدره بطئ الأستيعاب والتعلم وعنييييد جدااا

المشاركة الأصلية كتبت بواسطة 7ammad (المشاركة 3166078)

بكل بساطة .. كالفرق بين الكاسكو والعصفور ..
عندي درة هالحين .. اقسم بالله اني احسه اغبى طير على وجه الارض
من مسافة كيلو كاامل بعيد عنه وتحسه خاايف .. ما ياكل من اليد ..
ما سمعت له صووت ابد وهو عندي من 4 شهور عكس كل الببغاوات اللي شريتها قبل ..
الله يخلف علي باذن الله ..

المشاركة الأصلية كتبت بواسطة 2 z (المشاركة 3166218)

ماله أي داعي الإستهزاء بسؤالي
هو في النهاية مجرد سؤال وأنا لا أملك خبرة بالطيور ولأني أيضا أقرأ أن الدرة ذكي حسب آراء بعض من قاموا بتربية طائر الدرة
بالنسبة لمقارنتك ( مثل اللي يقول لك ما الفرق بين جهاز نوكيا أبو كشاف والايفون 6s plus
تقوله يا بن الحلال الايفون افضل يقولك لا اقنعني كيف تقنعه؟؟ )
أنا ما قلت أن الدرة أذكى من الأمازوني ولا طلبت إنه أحد يحاول يقنعني إنه الأمازوني أذكى
أنا سألت مجرد سؤال من هو الأذكى الدرة أم الأمازوني بحكم خبرتي القليلة بالطيور

المشاركة الأصلية كتبت بواسطة *بوجاسم* (المشاركة 3166081)

انا ما تعاملت مع الامازون لكن الدرة اخوي عنده واحد واليف جدا وذكي جدا جدا لدرجة انه يفرق بين افراد الاسره يعرف الي يحبه دايما ويكون ودود معه ويصفر ويغني معه والي عادي معه يكون معه حذر ويحاول يفمه اكثر ويسوي له حركات فضولية وحبوب واجتماعي جدا مع الكل واكثر شي يتضايق منه لما يشوف واحد نايم يترك كل شي ويتوجه له يحاول يقومه واذا كان متلحف يحاول يسحب اللحاف يرقص له طير جنان ودايما يضحك ويصفر وهذره
انصحك به شرط يكون اليف واذا مش اليف مامنه فايده
بالنسبة لتقيد الاصوات فهو جيد لكن كلماته مش واضحه لكن يفهم اذا همست له يهمس بشكل رائع واذا صفرت بطريقة معينه يقلدك اعتبره من اذكى الطيور الي عرفتها وشخصيته عنيده ودايم يبي يسوي الي في راسه

المشاركة الأصلية كتبت بواسطة hassan-55 (المشاركة 3166222)

يا اخوي الغالي الله يحفظك يعلم الله اني لم اقصد الاستهزاء بسؤالك الله يجزاك خير
انا ذكرت وبمعنى كلامي ان الفرق كبير بين الطيرين اللي ذكرت :)

المشاركة الأصلية كتبت بواسطة AVOCADO (المشاركة 3166323)

اغلبنا دخل مجال تربية الطيور او الحيوانات بشكل عام , ووهو يجهل كثير من الامور

وانا منهم

مع التجارب والبحث والمعلومات الي نتبادلها استفدنا وتعلمنا , ومازلنا نتعلم

وياما صارت بلاوي

منها ماتت طيور لنا في بداياتنا بسبب عدم خبره او معرفه بهالمجال بشكل كامل ., هالسبب خلانا نبحث ونسأل حتى وصلنا لبعض المعلومات الكويسه

مثل ما انتي جالسه تسوين الحين

استمري ولا تترددي في طرح أي سؤال حتى لو كان بوجهة نظرك او وجهة نظر غيرك سؤال تافه ...

وبأذن الله راح نجاوب على الي نقدر عليه او نعلمه