|
رد: انتفاخ كبير في بطن القطة مع فيديو
للاسف اصدقائي القطة طلع معها fip او بالعربي الصفاق المعدي هو مرض بينتقل بين القطط الصغار ازا كانو مصابين العيادة عملت الفحص مرتين وطلع النتيجة الاصابة سحبو شوية سوائل من بطنها حتى ترتاح وبما انو مرض مميت ومافي علاج خيروني اني اعطيها ادوية ومضادات حيوية وممكن تعيش عليها 6 اشهر او اعطيها الابرة حتى اخلصها من عذابها لانها ببتالم حتى بالتنفس شكرا لكل يلي ردوا وحاولو يساعدوني وبتمنى انو الكل ينتبه للمرض لما بدو يشتري قطة من اماكن بيع القطط التجارية او التبني وهو افضل بكثيييييير االله اعلم بحالي ادعو للقطة بالرحمة والله يسامحني ازا قصرت تجاهها |
رد: انتفاخ كبير في بطن القطة مع فيديو
الله يساعدك ويرحم حالها ...موقف صعب
ان شاء الله انك ماقصرتي وسويتي اللي عليكي سوي اللي تشوفينه صح ويرضيكي ويخليكي مرتاحة :( |
رد: انتفاخ كبير في بطن القطة مع فيديو
ما اقول الا الله يعوضك بغيرها اذا توفيت رغم ان هذا المرض نادر و مرة اخرى تذكري عندما تشترين اي قطة تذهبين الى البيطري
|
رد: انتفاخ كبير في بطن القطة مع فيديو
حبيبتى اديها مضاد وربنا قادر على كل شى
اديها مضاد اوجمنتين 1.5 سم كل 12 ساعه ولو رافضه الاكل اكليها بالسرنجه |
رد: انتفاخ كبير في بطن القطة مع فيديو
قلبي بيقلي اني اعطيها المضادات الحيوية
والمنطق بيقول اني اريح هالطفلة من العذاب هي شهيتها منيحة ولما تكون جوعانة بتلحقني بالبيت حتى اطعميها بس كل يوم نفسها عم يصير اصعب شو الفائدة من المضادات ازا ما هي العلاج اخليها على امل انو تصير معجزة وتشفى بيني وبين الانهيار شعرة !! اليوم زوجي رح ياخدها عالعيادة حتى تنام وترتاح 45 يوم رافقتني فيهم هالصغيرة الحنونة باقي كم ساعة وبتودعني للابد من كل قلبي اسفة اسفة اسفة لاني ما قدرت اعملها شي |
رد: انتفاخ كبير في بطن القطة مع فيديو
ليه كده بس ؟
مادام القطه كويسه وبتتحرك وبتاكل ليه تموتيها ؟ احنا مش ربنا عشان نقرر مين يموت ومين يعيش مفروض انك تعملى الى عليكى لحد اخر لحظه لحد ماروح تطلع لخالقها |
رد: انتفاخ كبير في بطن القطة مع فيديو
السلام عليكم
انا صار هالمرض مع قطتي انتفاخ في البطن كانه داخلها ماي.....وكانت تاكل بشكل عادي يس لما رحت للمستشفى .. قالي الدكتور انه هذا فايروس ما له علاج.... التقطته المرض بسبب اختلاطها مع قطط الشارع فهذا مرض يتعب تدريجيا اعضاء القطة الداخلية و تتالم.....و بالتالي تموت القطة الحل الوحيد لتخليص القطة من هذا العذاب هو اعطاءها ابرة لتموت(اريح لها من ان تتعذب شوي شوي ثم تموت)) |
رد: انتفاخ كبير في بطن القطة مع فيديو
ربنا يعوضك عنها
|
رد: انتفاخ كبير في بطن القطة مع فيديو
شاهستا
اكيد مو نحنا يلي بنحدد حياة الارواح بس انتي ما بتتصوري كيف كان وضعها مرضها خطير ومعدي جدا اول يوم اخدتها سحبت الدكتورة من بطنها 5 سيرانغات كبيرة ماي صفرة وتاني يوم سحبت كمان 2 صح انها كانت عم تاكل طبيعي بس باقي الامور كانت غير طبيعية تصوري انها ما بتقدر تنط عالكنبة تحاول وتوقع ؟؟ ولو صبرت عليها متل ما قلتي وحاولت اني اعطيها المضات وهي ليست علاج كانت حالتها يوم عن يوم رح تتدهور ويبلش الالتهاب يوصل لعيونها وادانيها ورح تتعذب وتتالم وانا عم اتفرج المهم القطة انتقلت الى رحمة الله وما بقى يفيد الكلام بس صدقيني كانت اصعب لحظات عشتها 3 ايام من البكاء المتواصل انا وزوجي لوحدنا بالبيت ولما يروح الشغل هي صديقتي الوحيدة بما اني غريبة عن البلد كل زاوية بالبيت بتزكريني فيها رح ارجع اجيب كيتن تانية لاني ما بقدر عبش بدون حيوان اليف بالبيت بس رح تبقى لوتشي اجمل والطف صديقة صغيرة مرت بحياتي ولا شي ممكن يعبي مكانها والله يسامحني لو اني ظلمتها |
رد: انتفاخ كبير في بطن القطة مع فيديو
صاحــب الذوق
ابشع تجربة ممكن الواحد يمر فيها مرض حقير ولا علاج له ومعدي جدا انا عم طهر البيت بالديتول والكلور قدر الامكان يا رب يلاقو علاج لهل الافة الخبيثة وهي درس لكل شخص فكر يشتري حيوان اليف من تجار الله لا يسامحهن الافضل التبني او الشراء من اشخاص موثوقين وبيوت مو محلات التجارة القذرة |
| جميع الأوقات بتوقيت GMT +3. الساعة الآن 03:42 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو