رد: بشتري قط آدخل وتفهم كل شي !
 

اول شيء الله يبارك لك فيه او فيهاا مقدما ^^

ثانيا انا انصحك تروح لمحل حيوانات وهناك تاخذ فكره عن الاسعار وكل شيء يخص القطط ..

بالتوفيق "

رد: بشتري قط آدخل وتفهم كل شي !
 

انا اعرف ناس واجد يفكرون بطريقتك وانت حر اولا واخيرا،بس ياليت تتفهم ان الحيوان روح فيها تدخلك الجنة وفيها ترميك بالنار ،انت ياخوي تسأل عن اشياء سعرها مايتجاوز العشرة ريال !! زي صحن الأكل ومصر تعرف كم سعره مع انه شي ثانوي وممكن تستخدم صحن من البيت، وزي ماقلتلك اعرف واجد ناس مو مستعدين يدفعون ولا ريال ثمن علاج حيواناتهم خصوصا لو كان سعره رخيص،مبدأهم القطو كله بمية ريال اقوم اطعمه بميتين!!! او اعالجه ب 400 ، القطاوة تمرض وتتعب ومحتاجة منك الرحمة والعلاج واذا انت ماعندك استعداد بلاش تجيبه وتحمل ذنوب انت في غنى عنها،البيت اللي الاهل فيه مش متقبلين القط المفروض مايدخله قط،وحضرتك واضح انك ماعندك ميزانية له،القطو مش 100 تعطيها صاحب المحل وتاخذه،القطو يبيله ميزانية وصرف اكل وتراب واغراض وعلاج وتطعيمات غالية،والاهم من هذا كله دفا واكل ومكان نظيف وحب، ياليت ماتحط بذمتك وتسمع كلام الوالده ،صدقني لو ال 100 ريال هذي تشتري فيها شريط سوني راح تتسلى اكثر من تسليتك بشراء قط

رد: بشتري قط آدخل وتفهم كل شي !
 

آنآ مسستعد آدفع كل شي مآيغلى عليه لآكن وين آلقآه في آلريآض

بس كيف يمرض وهو عندي يعني انا بتركه في البيت حقنا ماراح اخليه يروح معي اي مكآن ثآني

وكيف يجيه هل المرض ؟

طيب انا في حي الروضه - الملك فيصل

وين المحلات الي تبيع قطط بلديه ومضمون مايكون مريض او شي

وشكرآ

رد: بشتري قط آدخل وتفهم كل شي !
 

كيف شلون تجيها الأمراض!! مثل الناس والأطفال ترتفع حرارتهم يصابو بالبرد يجيهم اسهال واستفراغ او فايروس من عدم التطعيم ،تمرض من البرد والنوم بالحوش واكل الحشرات والمبيدات الحشريه والصابون والنوم عالبلاط والسيراميك والسجن بين اربع جدران ،وكل هالاعراض تستوجب سرعة في علاجها او تموت القطوة والعلاجات غالية نسبيا،ممكن يقولك ياخذ ابره ب 150 وبكره تجيبه ياخذ ثانية بنفس السعر ، وادوية ،ولو اصابه الزكام وطنشته يقلب لإلتهاب رئوي مميت هذا غير الفطريات اللي يصاب بها معظم القطط او كلها مافي قط لايصاب بها ويلزمك علاج ومراهم علشان ماينتشر في جسمها لمدة 21 يوم واحيانا اكثر، ولسه في امراض كثيرة بس اللي راح تواجهه كل كم يوم الاسهال والاستفراغ حتى لو القطة جوا البيت ولاااازم تعالجها بسرعة علشان لا يجيها جفاف ، ادخل على مواضيع الاعضاء وشوف قطاوتهم من ايش يعانوا وبتعرف

رد: بشتري قط آدخل وتفهم كل شي !
 

رد: بشتري قط آدخل وتفهم كل شي !
 

يالغاليه انا ابي سعر البلدي

ويا بسبس مياو

صصرآحه كرهتني في القطط

ي ولد وين البيطري هاذا

وانا بسوي لها مكان في الحوش وبحط فيه فرشه لها وكلش

واول ماصحى من النوم اروح افلها معها

وايذا جاء وقت النوم ارجعها بيتها

وبزبط مكانها بس في مكان النوم ارجعها في قفصها انا بسوي قفص كبير لها في الحوش وبحط فيه فرشه للنوم

وكم مره هي تبي تطعيم ضد الامراض ؟

وآلوآلده رآضيه لآكن تقول مآبيهآ في آلبيت وانا بشتري لها للتر بوكس مدري وش اسمه

بحطه في الحمام حقنا داخل وبخليها ايذا بغت الحمام اوديها

وششكرآ

فممآن لله !

رد: بشتري قط آدخل وتفهم كل شي !
 

تحطها في قفص وبالحوش !!!!! لا حول ولا قوة الا بالله ،انا اقول اتقي الله ودور لك شي ثاني تتسلى فيه احسن

رد: بشتري قط آدخل وتفهم كل شي !
 

اخي الكريم .. اذا تبي تحط قطك بالحوش ..استأنس قط من قطط الشارع
أنا عندي بالحوش أحط بقية دجاج أو سمك .أو أي بقية أكل من البيت من بعد الغدا وبالليل اروح اشيله ..بعد كم يوم صار ما يبقى شي أشيله ..صارت القطط تأكله
وبالصبر ..ح تجي قطة حامل وتتمركز عندك بالحوش ..جت قطة وولدت عندي بالحوش بين شجيرات الريحان ؛صرت احط لها حليب وموية ودجاج كل يوم .طبعا كانت تبخ بوجهي لكن كنت احط لها الاكل واروح.ولا احاول المس صغارها ..لما كبروا قطيطاتها الصغار .وصاروا ياكلوا من الاكل اللي احطه .اتعودت الام علي وصارت تخليني المس صغارها
لما كبروا وصاروا يلعبوا بالحوش معاي طول الوقت ارمي لهم كورة يجروا وراها والعبهم بحبل صوف ينطوا عليه ويخمشوه ..
أحسن لك من شراء قط ووضعه بقفص ..وحووووسة
ترى تربية قط بالبيت مسؤلية وحوسة ..كأنك تتبنى طفل وتربيه ..
ومصاريف كبيرة جدا ...
فانت استخير الله قبل شراء القط
أو حط الاكل للقطط بالحوش ويصير عندك قطط تلاعبها وتكسب أجرها وما تكلفك شي
خاصة ان موسم التزاوج الان ..ف بسهولة ح تجي قطة أم وتسكن عندك وتصير قطتك .وكل يوم تلعب معاها وتفل وياها بالحوش
بالتوفيق