|
رد: ببغائي (مسعود) .. النوع تمنة .. صور
هلا عزيزي لا انا ما اشتريته من سوق الغزل
اشتريته من محل بالكرادة بعد بحث وعناء كل الطيور في سوق الغزل كبيرة بالعمر ولا تنفع ونادرا ما تحصل على طير صغير وحقيقة انا شكرت الله على اني حصلته لاني تعبت وانصحك اذا عندك معارف او صديق يروح للشمال خلي يجيبلك مناك ارخص نوعما وانظف وتوجد بالشمال انواع بما فيها الامزونيات .. كما سمعت واذا عندك صديق يشتغل على خط بغداد عمان ويقدر يهرب طيور خلي يجيبلك من الاردن افضل سلامي |
رد: ببغائي (مسعود) .. النوع تمنة .. صور
اقتباس:
ابو الكرادة هذا المحل على السدة لو غيره |
رد: ببغائي (مسعود) .. النوع تمنة .. صور
لالا مو على السدة
بشارع مثلجان ديمة واذا تريده الان هو عنده ببغاء نيبالي اليف جدا وعلى حسب كلامه عنده 4 كلمات .. وسعره قريب 600 الف دينار اذا تحب حتى اوديك تشوفه :) سلامي |
رد: ببغائي (مسعود) .. النوع تمنة .. صور
ماشاء الله مسعود مبين علية صحته ممتازه
والتمنه افضل الطيور المتكلمة من تجربة شخصية وبالنسبة لريش الذيل ما اشوف فية شيء ووقت تبديل ريش في شهر فبراير ومارس وما يحتاج تنتف الريش بعدين يأخذ موقف منك الطير يحتاج وقت وشهرين يعتبر جديد على البيت وعمره ماشاء الله صغير وقابل للتعلم بشكل كبير اتوقع عمره اقل من 8 شهور لون العين توه فاك من الرمادي على فكره التمنه مناعته قويه افضل من الافريقي الكاسكو وحاول ما تروشه في البرد وبالنسبة للصوت ما فهمت عليك بالضبط . |
رد: ببغائي (مسعود) .. النوع تمنة .. صور
الاخ الكريم ابو محمد
اشكرك على مرورك وتواجدك هنا معي القصد من الصوت لما يجعر تسمع خرخشة بين البسيطة والمتوسطة في الصدر ولكن لما يكون ساكت ما تسمع خرخشة في صدره علما انه الان تطور في الولافة وصار شوي شوي يطلع على يدي ويخليني احك له رقبته وياكل من يدي سواء داخل او خارج من القفص .. وشوي شوي بدأ يترك عادة العض :) اما بالنسبة للذيل مو انا اللي انتفه ، اوديه لبيطري ينتفه لكن انا بين حيرة ، اوديه ينتفه ، لو ابقيه ، لان صراحه شكل الذيل ابدا مو منظم بل مشوه يعني جمالية الطير نصفها في ذيله ، والمسكين ذيله تعبان ومشوه اشكرك على حضورك مرة ثانية سلامي |
| جميع الأوقات بتوقيت GMT +3. الساعة الآن 02:12 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو