|
رد: مشكله في جلد البورميز بايثن مع الصوره
لو كانت قراد؟؟؟
وهذا الي احطه لها في الارضيه خشب صغير مربعات http://i829.photobucket.com/albums/z...a/64f1042b.jpg |
رد: مشكله في جلد البورميز بايثن مع الصوره
ابيج تمسكين الحيه
و تدققين عليها تشوفين في حشرات واقفه تحت الجلد ؟ عادةً لونهم أسود أو أحمر يكون شكلهم كأنه جلد بس الواقع لا و بتلاحظينهم ان كانو موجودين حطيها بماي دافي و بملقط سحبيهم :D اممممممممم اوك مناسبه لكن حالياً ما انصح فيها خلصو من علاجها بعدين حطوه الحين فرشو كلنكس و بدلوه كل يوم أو كل يومين إلا ان تشوفون ان الحيه ما عليها أي شي ^^ . . |
رد: مشكله في جلد البورميز بايثن مع الصوره
يا إختي هي نوع من القراد و إذا تشبثت بأحد يكون مفعولها كمفعول البق :)
|
رد: مشكله في جلد البورميز بايثن مع الصوره
اوووووووووك
راح اسوي الي قلتو لي عليه و الصراحه ما اعرف البق وش يسوي علشان اعرف القراد بس مشكورييييييييييييييييييين من الصباح نبتدي العلاج ان شاء الله |
رد: مشكله في جلد البورميز بايثن مع الصوره
طلع حشرات زي ما قلت و توق انها قراده
اليوم الصباح شفتهم يتمشون على ظهرها و يدخلون في حراشفها و تصير مرتفعه شوي وحده سوده و الثانيه بيضه و صغيييييييييييره ما ادري اذا فيه اكثر شلت الخشب و غسلت الحوض بالكلوركس سبحتها بماء دافي بس زي امس اول ما حطيتها مستانسه لين وسخت و انتو بكرامه و بعدها ما تبي تقعد بالماء فرشت الحوض كلينكس و راح نكرر العمليه كل صباح ان شاء الله بروح اشتري الدواء الي قال عنه دكتور خالد و نشوف النتايج بس عن الملقط الصراحه اخاف اجرحها ولا تكرهني ما في حل غير الملقط ؟؟؟ |
رد: مشكله في جلد البورميز بايثن مع الصوره
غير الملقط ، الأصابع :D
< أخخخ يالحل :D مافي مشكله ما راح تتأثر وايد بس عالأقل تخففين منهم تراهم يتغذون على دم الحيه :) فانتي أنتبهي عاد مسكي الملقط و سحبي هالقراد كله و سبحيها بماي دافي ~ |
رد: مشكله في جلد البورميز بايثن مع الصوره
ما رحت الصيدليه قلت ما ابي اتهور قبل ما اشوف نتايج السبوح اليومي
من حطيت لها الكلينكس ما اشوف الحشرات بس اليوم احس فرغت كل الي في بطنها و تونا اليوم السبت لازم استنى لين الخميس؟ ما راح تحس بالجوع؟؟؟ و ما اشوفها توسخ بالحوض بس لما احطها في طشت الماء توسخ هل هذا عادي؟ انا اشوف انه انظف علشان ما تبخر لي غرفتي بريحتها الجميله بس ما ادري اذا كويس ولا لا و لونها يزرق كل ما سبحتها زي اللمعه الكحليه هل ممكن انها راح تفسخ جلدها؟؟؟؟ و الاماكن الي قلت لكم لونها زي الدم صار لونها ابيض و المكان الابيض الي في الصوره صار لونه عادي بس زي المتقشر ____________ الي قريته من الاعضاء ان البورميز تكون حركيه كثير انا اشوفها بس لما اكون ماسكتها حركتها معقوله بس بالحوض ما تتحرك بس ملتفه على نفسها حتى لما اطلعها بالشمس ما تتحرك زي ما احطها تقعد ما تتحرك و القوانا ما ادري ليه احسها مو مرتاحه من جبتها اول ما اطلعها من الحوض تنهبل الاقوانا تقعد تفحط بالغرفه اسالتي واجد ما كاني قريت كل المواضيع عنها بس القراءه شيء والتطبيق شيء ثااااني خلوني بس اعدي هالازمه و افهم انا وش قاعده اسوي و اوعدكم ما اكثر اساله امي ما تبيها بالبيت و انا و خواتي نبيها ما ابي احد يجيله مرض منها قولو لي اذا ممكن احد يجي له حساسيه او فطريات او قراد منها لان صرت من امسكها اروح اسبح و اغسل شعري ولا 10 مرات اخاف يجيني قمل ولا قراد اي شيء لو خصله من شعري جات على وجهي اتصروع اخاف شيء يمشي على وجهي و ما اخلي احد يمسكها اخاف يجي لهم شيء واصير انا السبب و انتو ما تقصرون فيكم الخير <<<<حسيت انها تشحذ من كثر اسالتها بس مو مشكله شحذ العلم مو مذله <<<<رقعي |
رد: مشكله في جلد البورميز بايثن مع الصوره
هههههههههههههههههههههههههههههههههههه :D
لا لا هالقراد ما يطير حتى يمشي بطييييييييئ يعني لا تخافين + لو مشت على ايدج بتحسين فيهم && لو مسكتيها غسلي ايدج غسيل عادي شدعوه تتسبحين هذا لو ماسكه قطو فيه جرب شتسوين :D شوفي البورميس حركيه ، لكن حركيه مقارنتاً بباقي الحيايه ~ يعني جربي مثلا البول بايثون ، و راح تعرفين ليش يقولون البورميس حركيه :) بالنسبه للأزرق لا هذا انعكاس الضوء حتى عندي نفس الشي بالحيايه تقريباً كلهم ~ أساساً مو أنعكاس أزرق بل أنكسار للضوء فتشوفين أزرق و ألوان الطيف كلهم ,, بالنسبه للقراد ما اييب أمراض يعني للإنسان ، لكن ضررهم كباقي الحشرات يعني ما فيهم سم ولا شي :D الجروح مو مشكله قاعد يلتئم و يروح مع تبديل الجلد فلا تخافين ~ و بالنسبه لأكلها لا تخافين الحيايه يستحملون 6 أشهر و أكثر بدون أكل ، لكن تختلف من حيه لـحيه لكن بالنهايه كلهم يستحملون فترات طويله ^^ . . |
رد: مشكله في جلد البورميز بايثن مع الصوره
ايه لونها زي البرازيليان رينبو بس اكثر شيء على ازرق كحلي طمنتني
ما مسكت قطو جربان كان عندي قطوه جاتها فطريات بعد الولاده هي و عيالها و انعدى البيت كله ما ابي اكرر نفس الحدث الجمييييل بس القراد ما يعلق بالشعر و يصير زي القمل يبيض و ما اعرف ايش؟؟؟ انا عندي الجيوب الانفيه تعبانه اتحسس من الغبار و الحيوانات الي فيها شعر او ريش و صايره اعطس كثير من جبتها ما فيها شعر ولا ريش :( يمكن من كثر ما اوسوس الله اعلم و شكرا على الاجابات طمنتني ربي يطمن قليبكم |
رد: مشكله في جلد البورميز بايثن مع الصوره
اول شي كان احسن لو وديتي القطة عند البيطري من الاول و تتعبر اشعة الشمس من الاعداء الفطريات المهم يتربى في عزك اصلتك
|
| جميع الأوقات بتوقيت GMT +3. الساعة الآن 04:52 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو