منتديات تو زوو - الفطريات اصابت قطتي

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - الفطريات اصابت قطتي (http://www.2zoo.com/vb/showthread.php?t=17070)

رد: الفطريات اصابت قطتي

هلا اخوي علاج سريع واحسن من البخاخ انا جربته مع قطاوتي تفضل ادخل
http://www.2zoo.com/vb/showthread.php?t=17784

رد: الفطريات اصابت قطتي

انتبه اخوي ترا الفطرياااات جدا جدا جدا معديه انتبه جدا منها هذا اولا
ثانيا احب انبهك على شئ ركن الحيوان قد وديت عندهم عيال قطوتي هم وامهم لان فيهم فطريات وكان عدد العيال 6 ومات منهم 2 مادري شالسالفه يقزل فيهم فايروس بس انتبه لهم وشكرا....

رد: الفطريات اصابت قطتي

اقتباس:

المشاركة الأصلية كتبت بواسطة leo75 (المشاركة 167407)

المشاركة الأصلية كتبت بواسطة كيوتي
صباح الخير ليو..انا جديده بالمنتدى وودي اسالك اذا تقدر تفيدني ...

وش المسبب للفطريات الموجوده بالقطط وكم المده اللي تجلس مريضه القطط فيها؟وكيف اعالجها..

وابي اسالك اذا القطوه تاكل زين لكنها مو سمينه مره هل يمكن اني اعطيها شئ يسمنها..وشي يكثر الشعر وخصوصا شعر الذيل

وتحياتي لك ...

هلا حبوبتي كيوتي ونورتي المنتدى بوجودج
سبب الفطريات له عدة اسباب الاكل النظافه العدوى من اي قط ثاني
العلاج راح انزلج صورة القطره والشامبو
اسم القطره كانستين
اسم الشامبو نيزورال تلقينهم بصيدلية البشر
القطره تحطينها ع الاماكن المصابه وتكون عباره عن دوائر حمرا اللون خاليه من الشعر
والشامبو مرتين بالاسبوع تخلينه على جسمها مدة 5 دقايق طبعا مع الدعك الخفيف خصوصا الاماكن المصابه وبعدين تشطفين الشامبو بالماء فقط ,و في حبوب تنباع هم بصيدلية البشر(كيتوكونازول)200 جرام تكسرينها اربع قطع عشان تصير 50 جرام وتعطينها كل يوم قطعه يعني (50جرام)لمدة عشر أيام وتريحينها اسبوع وتردين تعطينها عشر ايام ثانيه
بالنسبه للاكل احسن شي الدراي فود ماركة بورينا جاو كات لون الكيس او العلبه ازرق
وافضل انج تودينها الطبيب وتتأكدين ان ما فيها دود بالمعده
والاكل هذا جدا يسمن ويعطيها صحه وعافيه وتحطينه لها على طول بالصحن المخصص لها
[IMG]http://www.6rb4up.com/uploads/7ebc297fb9.jpg[/IMG]
وهذه صورة الاكل
[IMG]http://www.6rb4up.com/uploads/fb6cd8f805.jpg[/IMG]

مشكور اختي على التفاعل
صدقيني احلى شي واميز شي بهذا المنتدى الرائع التعاون بين الجميع شعور جميل جداً

بي النسبه للقطره انا استخدم نوع اسمه lamisil ليموزل نفس المفعل :)

والله يعطيك العافيه

رد: الفطريات اصابت قطتي

اقتباس:

المشاركة الأصلية كتبت بواسطة كيوتي (المشاركة 170486)

هلا كيوتى
شكرا لي اهتمامك طبعا كل شي بقضاء الله وقدره وانا مؤمن متيقين بهذا الشي بس ما بيد حيله اذا عندك مكان موثوق يستضيفون قطتي بحالتها فانا مستعد بكل التكاليف لو يطلبون دفع راتب عامل الهندي الا بيغسلها وياكلها الا ادفع

:) وشكراً

رد: الفطريات اصابت قطتي

تعقيب بسيط
علاجها مكلف وايضا الفندقه يعتبر مبالغ فيه ... ونحن بكل اسف والامكانيات موجود لا يوجد مستشفيات مخصص لاواء وعلاج القطط الا في محلات النصابين امثال مؤمون وشلته
انا اذكر في امريكا في محلات رعايه للقطط والكلاب وليس محل تجاري وفي ممرضات ودكاتره متخصصين ومتعيني من الحكومه حتى اذكر كان سعر الاواء سعر رمزي جدا يوصل الى 3 دولار الى 4 دولار في اليوم

رد: الفطريات اصابت قطتي

هلا فيك اخوي منتدانا ما تحس فيه انك غريب ابد والكل يتسابق ان يساعد الثاني وهذا سر نجاحه;)
المهم بخصوص البخاخ والله اني استعملته بس ما سوى اي نتيجه وانت براحتك
تحياتي

رد: الفطريات اصابت قطتي

اخت leo75 خلاص باخذ بشورتك ان شاء الله وبنجرب
ماعندك فكره كم سعره ؟؟

رد: الفطريات اصابت قطتي

هلا اخوي والله مايتعدى دينارين

رد: الفطريات اصابت قطتي

مااااااابقولي شي الاعضاء اقوله
مابقى الاشكرا

رد: الفطريات اصابت قطتي

يااخوان انا من جد كنت اجرب دواء للفطريات فترة ومليت لكن رحت عيادة ووصفت لى داوء خاص للفطر يوضع بمعرفة الطبيب وهو يحضر عندهم وفى خلال 4 ايام يسقط الفطر وينشف ويخرج من تحته جلد جديد نظيف تماما وذهلت عندما جربته الدواء هذا يباع فى عيادة اسمها التخصيصة البيطرية وانا جربته بنفسي من جد مذهل وقالى الطبيب ان فى ناس يجوا خصيصا يشتروه وحتى يستخدم للشخص الى اصابه الفطر بيده او جسمه ومايتخذ اربع ايام الا وتلاقى نفسك تشفيت تماما انا ماجربت لنفسي بصراحة عشان اقولكم استخدموه للانسان فالحمد لله لم اصب بالفطر لكن جربته على قطى والنتيجة رائعة جدا