منتديات تو زوو - ارجو منكم المساعدة هام جدا ( ارجو دخول ابو محمد )

منتديات تو زوو (http://www.2zoo.com/vb/index.php)

- سؤال وجواب لقسم هواة الببغاوات (http://www.2zoo.com/vb/forumdisplay.php?f=73)

رد: ارجو منكم المساعدة هام جدا ( ارجو دخول ابو محمد )

والله والله والله

انا كنت متوقعه هالشي

توقعت انك توك واصل من البيطري يعني ما صارلك 4-5 ساعات وصولك للبيت من البيطري

لازم الطير يرجع مكانه اللي متعود عليه

لما اخذته البيطري تغير عليه الوضع

وشاف الدكتور ( الله يسامحه ) كان شرس شوي

فعاد مثل اللي حاش الطير نوع من الخرعه ( يعني اخترع الطير )

وانا كنت متوقعه باجر راح يقوم الطير و ترجع عافيته وان شاء الله ما فيه الا العافيه

واسفه على الاطاله .... وثاني مره لا تودي طيرك البيطري نهائيا الا في الحالات القصوى

لأنه ممكن طيرك ما فيه شي ... وتحوشه عدوى من الطيور المريضه الموجوده بالمستشفى

رد: ارجو منكم المساعدة هام جدا ( ارجو دخول ابو محمد )

الف لا باس على ببغائك يا الوسام

الشباب ما قصروو

واللي صار صار,,

المهم في اللي المفروض يصير الحين

مهم في هذي الفترة انك تخلي الببغاء معاك حتى يحس بالطمأنينه والهدوء

والأفضل انك تخليه على صدرك أو على يدك بحيث يفهم انك مصدر الأماان له وانه مافيه شي حيئذيه الحين

لي ملاحظة بسييطة يمكن تستغرب منها,,

الموقف اللي مر فيه الببغاء عند البيطري,, يعتبر موقف صحي وطبيعي

من المستحسن ان طيورنا تمر في بعض المخاطر اللي تصقل مهاراتها في الطبيعة

والأفضل انها بعد ما تتعرض لهذي المخاطر أو الآلام اننا نكون قريبين منها حتى تتوطد العلاقة بينها وبيننا

بالنسبة لقص الأضافر الموضوع بسيط جداً,, حتى لو كان فيه نزيف أثناء القص.

لأن الببغاء ممكن يتعرض بشكل متكرر لمثل هذي الحوادث في الحياة الطبيعية,, وفي الأخير تصب في مصلحته بطريقة احنا ما نفهمها

لكن هم يحتاجونها لإثبات الجدارة في مواسم الزواج أو السيطرة على القطيع مثلاً...

المهم انها حوادث صحية لا تشيل همها يا قمر طالما وقف النزيف.

ربي يطمنك ويوفقك في تربيته وما يشوف شر يا قمر

تحياتي

رد: ارجو منكم المساعدة هام جدا ( ارجو دخول ابو محمد )

الحمد لله على سلامة القمر وفعلا كانت تجربة قاسية بالنسبة لي وله

مشكورين جميعا على المساعدة وعلى مشاعركم الطيبة

مشكورة اخت مشاعل ماقصرتي

مشكور يا احلى سكر والله شرفتني بمرورك ونصايحك الطيبة وان شاء الله تمر هالفترة بسرعة ويكبر ويطمني عليه لاني جدا خايف عليه من هالفترة على شان جدي تهورت واخذته لهذا البيطري

رد: ارجو منكم المساعدة هام جدا ( ارجو دخول ابو محمد )

خذ بنصيحة مشاعل الكويت افادتك بامر مهم وهو الثوم ضروري للكاسكو

رد: ارجو منكم المساعدة هام جدا ( ارجو دخول ابو محمد )

ان شاء الله

الف شكر لك يا بووسلطان

رد: ارجو منكم المساعدة هام جدا ( ارجو دخول ابو محمد )

الله يسلم طيرك ويصبرك على الي صار

في محل يمدحوه لاهل جدة اسمه واحة الحيوانات

الدكاتره البيطرين ذي الايام ماخذين شهادة سادس ابتدائي

رد: ارجو منكم المساعدة هام جدا ( ارجو دخول ابو محمد )

السلام عليكم

عزيزي الوسام الذهبي طيرك ماعليه شر ان شاء الله

الخمول اتوقع سببه لفقدانه بعض الدم من جسمه سبب له الخمول والحمد لله انه مانقص الطير دم كثير ولا كان راح عليك

اقطع عنه الدواء الي وصفه لك الدكتور

وياريت تخبرني بالخاص اي دكتور هل اهو الي بشارع سند ولا غيره

وبقولك انه طيرك لازم تتحمل فيه اكثر من المصيود ب 100 مره لأنه محجل حساس جدا لأقل درجه

وان شاء الله ربي يوفقك معاه

رد: ارجو منكم المساعدة هام جدا ( ارجو دخول ابو محمد )

الف شكر لك يا bahar1000

انا في بيطرية انجليزية في المنامة قلت بعيدة واجد يبي لها مشوار

تبيني اروح جدة !! ههههههههههههه

شاكر لك مرورك الطيب اخي العزيز

من خارج الموضوع يبين اخر رد من ابو ريان وكنت حاب اني اقرى مشاركته بكل شوق بس مالقيتها !!

على العموم اشكرك يا مشرفنا العزيز واشكر المشرف العام والشكر قليل في حقكم كفاية انكم جمعتونا في هالصرح الرائع

رد: ارجو منكم المساعدة هام جدا ( ارجو دخول ابو محمد )

اشكرك اخي العزيز مجنون فلتة

وياهلا بهل ديرتي الغالية

للأسف ما اقدر اتواصل عبر الخاص لان مشاركاتي اقل من المسموح

لكن راح اتواصل معاك ان شاء الله :o