|
رد: ببغاءي جديد و ذبحني بأسلوبه
nani
من جدك 3 شهور ولا صار وليف عزالله رحت فيها انا انا لي اسبووع وطلع الشيب براسي اقووول خليك معاي بالموضوع وخلنا نستفيد من بعض يارب اني القى حل معاه |
رد: ببغاءي جديد و ذبحني بأسلوبه
لو هرب منك الطير استخدم طريقة اخونا سكر
في هالفيديو.. بس انتبه شوي شوي لا تعور ريش الطير.. :) |
رد: ببغاءي جديد و ذبحني بأسلوبه
طيب الحين لو الببغاء في القفص و اعصابك هاديه و ناوي بس تعلمه انك تمسح عليه
تابع هالفيديوهات.. من اخونا العملاق سكر.. 1) 2) 3) |
رد: ببغاءي جديد و ذبحني بأسلوبه
.
كاسكوكيه هلا والله انتي صاحبة الموضوع اللي كان ريشه منتوف توي اقرى لكي موضوع وصراحه ابدعتي والحمدلله انك انتي هنا معاي اولا حمدالله على السلامه لطيرك لاني جلست اقرى الاستفتاء اللي مسوي واحد من الاعضاء ودشيت على موضوعك وجلست اقول بيني و بين نفسي للدرجه هذي الطير حساس و يعاني ونفسيات طلع هالطير المهم خيتووو اصلا هو ما يجاعر الا اذا قربت منه يعني من اخذت نفس الشيء يعني ما يجاعر وانا بعيد عنه بس اذا قربت منه يجاعر بس هاللحين اذا قربت منه ما يجاعر على طووول يعني اذا طولت يبدى يجاعر و يزعجن بصوته وينفش ريشه وكانه يبي يذبحني بعض الاحيان يقعد يصفر واذا صفر ارد عليه بتصفير ويسكت كأنه ناوي يرفع ضغط واخليه على راحته واذا على اللعن لا تلومني يالغلا من حر ما فيني جاب لي الجنان و الضغط و السكري اقتباس:
واحد من الشباب قال لي انه يكسر الابهام وقال لازم تلبس القفازات وعلى طاري حركة ظهر اليد انا كل ما قربت منه يقعد يجعر يعني ما اقدر اقرب منه والله صوته عالي واذا بعدت عنه يسكت صراحه انه جنني انا اللي ابي اوصله هو هالطير هذا شنو يبي بالضبط وش اللي يحس فيه عشان يصير مثل الطيور الثانيه هادئ و حبوب و رااايق اتمنى ان القى الحل ولا هنتي على تشريفك الموضوع والله لا يهينك على المرور و الملاحظه اللي سقطت سهواً و قهراً ^_^ |
رد: ببغاءي جديد و ذبحني بأسلوبه
طيب انا فاااهمه الي تقوله.. لاني مرييييييت فيه..
و طبيعي ما بيجعر إلا وانته قريب منه.. لانك الحين انته بالنسبه له مصدر ازعاج.. مش متعود عليك و انته قاعد تقتحم خصوصيته.. بعد فتره بيتعلم انك انته الي تطعمه و انته الي خايف عليه.. مثل ما قلت لك.. شوي شوي.. لا تخاف من العضه.. انا ايدي شوارع بس كله الم دقايق و خلاص :) هو يريد يجنّنك.. عشان تبتعد عنه و يرتاح من محاولاتك ^_^ انته شوف الفيديو الي عرضته لك في ردودي.. وشوف قد شو الجعير الي في الفيديو.. بس اخر شي صار مثل البيبي :D و على طاري موضوع النتف.. << شفت اشكثر هالمساكين حسّاسين؟؟ :( يعني خف عليه شوي.. لانه خايف و هاي ردة فعل له ^^" مثل الطفل الي بيشوف جمل كبيييييييييييييير يمشي صوبه؟؟ وش بيسوي؟؟ ^_* اكيد بيصارخ و بيصيح ولو راح الجمل؟؟ اكيييييييييييد بيسكت الطفل ^^" لا تعامله بعنف.. و خلك طيب معاه و بتلقى نتايج ترضيك :) |
رد: ببغاءي جديد و ذبحني بأسلوبه
اقتباس:
على طاري القفازات.. صح انه يسبب الم.. بس نصيحه لا تعوده ع القفازات.. ^^" شامبيه كان متعبني .. كنت اخاف من العض.. و عودته على القفازات.. صرت لا جيت ادخله القفص ما اقدر احطه على ايدي.. و لا جيت امسح عليه.. يعض ايدي.. لانه مش متعود عليها تمسحه.. متعود على القفاازات.. و هالشي انتبه له في تربية بوشهاب.. الحين شامبيه ما يرضى اني امسح عليه وايد.. و مرات من قهره ينتف وين امسح عليه بايدي.. بالنسبه لبوشهاب.. صاير مثل الدلوووووووع.. اول ما يشوف ايدي ينزل راسه بين ريوله عشان بس امسح عليه و لكن يوم يشوف القفاز يقعد يجعر :12: |
رد: ببغاءي جديد و ذبحني بأسلوبه
.
كاسكوكيه والله انك ما قصرتي معاي والحمدلله اني لقيت احد يسمعني شوووي والحمدلله ما خاب ظني بالموقع ابداً دام انتي عندك خبره ابغاكي تعرفي عن هالطير كل شيء لان مقاطع الفيديو اللي حطيتها اهني كل طيورهم صغيره الا انا هالطير يا كبرهـ شووفي هالصورة له وتوي صورتها عشان تعرفي حجم الطير و تعرفي وشلون يعصب علي http://up.arb-up.com/i/00066/axa9lawp6djg.jpg وثاني شيء اذا قربت منه يقرب منقاره بقوة شوفي شلوون يوم جيت اصوورة كيف نفش ريشه اقوول لكم والله كانه يبي يذبحني كاسكوكيه انا شفت كل المقاطع بس شلون ابدأ مع هالببغاء يعني اخليه شهر او اسبووع او 3 يعني متى الوقت الملازم له ومتى اخليه يحس بالامان لاني حاطه قدامي 24 ساعه وشلوون اعرف انه صار يولف لي ويستجيب لي لانه ابدا ما عطاني مجال وبعضهم يقول اسبوع كفايه له ان يكون ولف عليك وهو الى هاللحين ما ولف ابداً ما ادري هل هالكلام صحيح ام لا ؟؟ وهل الحل له اني احطه بغرفتي الخاصه واخليه لحاله ما عنده ولا صوت ولاحس ولا خبر بعيد عن التلفزيون والاغاني او اخليه قدامي على صوت التلفزيوون وعلى فكره صوت التلفزيون من جاني هالببغاء ما صرت اعليه ولا صرت اشغل الاغاني باللاب تووب وان شغلتها بصوت واطي اقوول لكي جاب لي عقده والمصيبه لحد اللحين مو راضي يولف علي وبالنسبه لطريقة مسك الطير للاخ الفاضل حلووه كثير بس ما شفت الطير اللي توه سوى حركة الطير حقي لان طيري يلف راسه جهتي ويجاول يعض يدي وانا يوم رميت المنشفه عليه خليه راسه بيدي يعني كأني خنقته عشان ارطه بالسلسله كاسكوكيه انتي شفتي الطير بالصورة يعني يختلف عن اللي بمقطع الفيديو لان اللي بمقطع الفيديو واضح انه صغير وشكل طيري عمره فوق السنه ونص اتمنى تفيديني عن الطريقه الصحيحه للتعامل وياهـ وربي اني مبسوط ان فيه احد يسمع لي وآآآسف اني اخذت من وقتك . |
رد: ببغاءي جديد و ذبحني بأسلوبه
اقتباس:
الحل معاه والله بالقفازات يا كاسكوكيه انه عضها وحسيت انه يبي يقطع القفاز من قوة العض وشلون لو يدي من دون قفازات |
رد: ببغاءي جديد و ذبحني بأسلوبه
اخوي الطير الي في الصوره عادي.. لا كبير ولا شي.. احس انك من جد خايف من الطير :)
الي في الفيديو صغير يبين عشان فيديو.. ^^" و هوه نافش ريشه لانك لسه غريب عليه.. و الكاميرا غريبه عليه.. حتى المدربين المحترفين يحتاجون يعودون طيورهم على الالعاب الجديده قبل ما يحطوها في القفص للببغاوات لانها اجسام غريبه على الطير و يحتاج الطير يتعود عليها المهم.. انته اصبر عليه.. ولنا في الحديث تتمه :D |
رد: ببغاءي جديد و ذبحني بأسلوبه
اقتباس:
يالغلا مافي احد بالكون كان يخاف من الطيور بشكل عام و من الببغاوات مخصوص غيري انا لدرجه مره قبل 7 سنين ببغاء اخوي اليلو ناب يطير وراي و انا اهرب منه من الخوف ههههههههه مره بالغلط طار علي و رفعت ايدي من الخوف و جلست اصارخ انادي اخوي يشيله هههههههههههه الحين شي ثاني اموت على الببغاء لم يجيني او يطير على ايدي او يلحس اصابعي و يتذوق جلدي حركه رهييبه اللعاب فيها الطير امس و الي قبل كان يعض بقوه اليوم حس ان مافي فايده جلس يذوق طعم ايدي بدون ضغط او عض هههههههههه الجرأه تحتاج وقت اهم شي خلك مع الطير مقابله و سولف عليه شوي شوي تلاقي نفسك حاطط يدك في فمه :) |
| جميع الأوقات بتوقيت GMT +3. الساعة الآن 05:41 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو