منتديات تو زوو - حفاظه للببغاء

منتديات تو زوو (http://www.2zoo.com/vb/index.php)

- قسم هواة الببغاوات (http://www.2zoo.com/vb/forumdisplay.php?f=31)

- - حفاظه للببغاء (http://www.2zoo.com/vb/showthread.php?t=118847)

رد: حفاظه للببغاء

اقتباس:

المشاركة الأصلية كتبت بواسطة faisalqatar (المشاركة 1035659)

تعقيبا على كلام الاخ العزيز "حب استطلاع"

اخوي اذا صارخت على طيرك تصيده حاله نفسيه وممكن انه يكرهك

خاصة الكاسيكو لانه حساس جدا

ممكن اتطبق طريقتك لكن بدون ما اتصارخ عليه
اذا وصخك رجعه في القفص على طول وبيفهم مع التكرار

انا المكاو اللي عندي كان كل ما يوصخني ارجعه في القفص بشكل تلقائي وما كان قصدي اني ادربه على شي
لكن الحمدلله طلعت ادربه وانا ما ادري هههههه
والحين ما شاءالله عليه طول ما اهو على يدي او كتفي او في السيارة ما يوصخ الا اذا حطيته على الارض او الطاولة او الاستاند يعني عقب ما يكون بعيد عني هههههه

تحياتي لك اخوي

حياك يا فيصل وما شاء الله عليك
وأسمحلي أعقب على كلامك بالأحمر
مشكلتنا يا عزيزي نكرر ما يقوله الأخرين
بدون ما نجرب ونشوف هل كلامهم صحيح ولا لا
وأضرب لك مثال قص أجنحة الأفريقي
الكل في المنتدى هذا وغيره يكررون
(( أن قص جناح طيرك بنفسك النتيجة تكون كره الطير لك ))
وبالنسبة لي ما يقص طيوري إلا أنا وبدون ما أغطيها
والحمد الله الطيور زي العسل :)
ونفس الشي في تدريبه على عدم الإخراج خارج القفص
يعني لا تصدقون الإشاعات :D
تحياتي لك وبالتوفيق يا غالي

رد: حفاظه للببغاء

اقتباس:

المشاركة الأصلية كتبت بواسطة faisalqatar (المشاركة 1035585)

والله ما خلوا شي ما اخترعوه هههههه

بس يا اخوان انا اشوف ان القطعه مضرة بالببغاء

لان من الممكن ان الوصخ يلصق في ريش الطير و ليس من السهل ازالته من الريش

هذا رايي الشخصي واحترم رايكم

وتقبلوا مروري
فيصل..

أخوي فيصل ,, الله يحييك

مستحيل أن فضلات الطير تلزق بالريش لأن عمقها عند مخرج الفضلات يكفي الطائر ليوم او يومين

بدون نزعها , تخيل ..! وبالحساب لو وضعت قطعت قطنه تكفيك بدون خوف ليوم كامل

أتمنىا نقلت لك صورة ولو بسيطه

رد: حفاظه للببغاء

اقتباس:

،،

ليه مستغربين وتضحكون ؟

فعلا ً يوجد حفايظ للببغاوات .. وقيمتا تقريبا ً 110 إلى 120 ريال ..

وتنفع للطيور الصغيرة والكبيرة برضو ..

هذي صورة لها

وهذي وببغاء لابسها

وبإمكان الجميع الاستزادة عبر الرابط التالي :

http://www.diapersforbirds.com

بالتوفيق للجميع ^.^

،،

ماشالله عليييك اخوي ردك ثقه 100%

جزاك الله خير

رد: حفاظه للببغاء

جمبنا صيدليه حقت طيور تبيع الحفايض 220 حبه حفاظه 220 ريال

رد: حفاظه للببغاء

ردا على كلام اخوي "حب استطلاع"

ياخوي انا ما نشرت اشاعات ولا شي
هذا كلام علمي فديت خشمك ووجهة نظر يعني مب لازم تاكلني عشان وجهة نظر

وبالنسبة لـ قص الجناح انا بعد تره اقص جنحان طيور بنفسي ولا فيه كره ولا شي

انا بس حبيت اشاركك معلومة قريتها في كتب علمية مادريت انك بتزعل لهالدرجة

اسمح لنا فديتك (F)

وتقبلوا مروري

رد: حفاظه للببغاء

اقتباس:

المشاركة الأصلية كتبت بواسطة faisalqatar (المشاركة 1036276)

بوسه على رأسك يا فيصل
مين قالك إني زعلت
بالعكس أنا حبيت أبين لك إن مو كل ما يقال صحيح
والدليل إنك تقص أجنحة طيورك بنفسك ولا حصل شي
وهذه ضروسي بعد علشان ما تقول إني باكلك :D
تحياتي لك والعذر والسموحة إذا فهمت من ردي إني زعلان

رد: حفاظه للببغاء

اخوي من الممكن انك تدرب طيرك على الحمام وانتم بكرامه وشفت كذا مقطع في اليوتوب طيور مدربه على التحكم بالفضلات
والحين عندي فرخ اكلكتوس بطبعه مايحب يسوي شي الا في بيته مره كنت اكله اكل شوي وقف ياكل استغربت مش عادته وشكله متضايك ويبي يركض للبيت او العش الي مسويه له انا مافهمت وش السالفه وماسكه وابو الشباب يبي الفلته في الاخر قلت خلني ادخله العش من يوم ما دخل وهو يسويها في العش بعدها ركب على يدي وطلعت وكمل الاكل

<object width="425" height="344"><param name="movie" value="http://www.youtube.com/v/aZTpgv-t6rE&hl=en&fs=1&"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/aZTpgv-t6rE&hl=en&fs=1&" type="application/x-shockwave-flash" allowscriptaccess="always" allowfullscreen="true" width="425" height="344"></embed></object>

رد: حفاظه للببغاء

ممتاز
انا كل يوم امي واخواتي يشتكون من ببغائاتي
همسة امل الله يسعدك انك فتحتي مجال
لكن ببغائي مايطيق شيء عليه

رد: حفاظه للببغاء

اخوي حب استطلاع

فديت خشمك ياخوي

مسموح ياخوك ومابينا زعل كلنا اخوان وعائلة وحده في هالمنتدى

تقبل مروري
فيصل..