|
رد: اسئل هنا عن الارانب؟
اقتباس:
|
رد: اسئل هنا عن الارانب؟
اختي والله هالحاله ماعندي خبر عنها
الافضل تعرضينه على بيطري |
رد: اسئل هنا عن الارانب؟
السلام عليكم مبارك عيدك رعوود وكل عام وانتم بخير جميعاً
رعووود ، اشتريت أرانب هولندية من أيام وبصراحة أستفسر عن طريقة التلقيح ومشكلة صارت لي أولاً: أنا محطي الأرانب في أقفاص ولما ألقح أدخل الأنثى على الذكر وأتركهم ليوم كامل ثم أنقل الأنثى إلى قفصها هل أتركها ليوم كامل ؟ وهل يضر إذا ركبت تيوب ليت وشغلته وقت المساء هل يضر الأرانب ؟ والمشكلة أنه اشتريت أنثى ألاحظ أنها ما تأكل وايد ومرات ألاحظها تحك جسمها وبعد أسبوع شفتها منتفه من شعرها وتحب تجلس وايد عرضتها على طبيب بيطري لأني خفت أنه فيها جرب لكن ما قال شي ، شو المشكلة ، مع العلم أنه لما اشتريتها كانت في قفص مع ثلاث أناث أخرى ورجل وفيه إحتمالية أنها حامل ، شو الحل لهذي المشكلة ؟! الآن صار لها ثلاث أسابيع وفترة وحسب علمي المحدود أنه من فترة تجهيز الأرنب الام للعش إلى الولادة أقل من أسبوع ، والله أعلم ... |
رد: اسئل هنا عن الارانب؟
اخوي بالنسبة للتلقيح انت لو تقدر تخليهم قدامك لما يتزاوجون وبعدها الذكر لما يخلص تلقيح راس ينام على بطنه معناها خلص ساعتها تشيل الانثى
اما بالنسبة للانثى اليممكن تكون حامل نتف الفرو من الجسم شي طبيعي عشان تجهز العش ومدة حمل الارانب تقريبا شهر وانت تقول من 3 اسابيع يعني باقي بالكثير اسبوع ان شاء الله وتولد |
رد: اسئل هنا عن الارانب؟
شكرا لك رعوود .. الله يسمع منك ..
ممكن سؤال ثاني .. ما بتقصر ... هل تربية الأرانب داخل الأقفاص أكثر إنتاجية أم التربية في الغرف المغلقة المعدة للحفر في الرمل أكثر ؟ |
رد: اسئل هنا عن الارانب؟
والله يا اخي بالنسبة للانتاج وكمية وهل اقفاص او غرف هذي ماعندي خبره فيها لاني ماهتم بالانتاج
انا معلوماتي عن التربية كحيوان اليف وسبق وقريت كم موضوع حلوين عن الانتاج يعني معلوماتي بالانتاج على قدي مو ذاك الزود |
رد: اسئل هنا عن الارانب؟
شكرا لك رعوود ما قصرت
|
رد: اسئل هنا عن الارانب؟
كل عام والجميع بخير
اخوي رعوووود لاحظت على الاناث اللي عندي انهم مو متوالفين يعنى االام وبنتها ما يجلسون بمكان واحد لازم تعضها او تلحقها عشان تعضها مدري وش السبب هل ممكن انها تغار منها ؟؟؟ وسؤال ثاني هل من الممكن ان اربي اناث بدل الذكور لان فكرت اربي اناث مواليد واخليهم عندي واذ كبرو القح وحدة منهم واخلي الثانية كما هي هل هذا الطريقة جيدة ارجو الافادة؟؟؟؟؟؟؟؟؟؟ |
رد: اسئل هنا عن الارانب؟
اختي بالنسبة لان الام تضرب بنتها
اناث الارانب ما يمكن تربينهم مع بعض الا وهم صغيرات لو كانت عندك وحده من مده وجبتي انثى ثانية راح يصير بينهم مشاكل لانه القديمة هي المسيطره عالمكان اما السؤال الثاني فانتي تقدرين تربين انثتين او اكثر مع بعض بشرط تجيبينهم مع بعض من هم صغار وبالتوفيق |
رد: اسئل هنا عن الارانب؟
السلام غليكم أخويه رعود
أنا من محبين الأرانب وايد أحبهن واموت علشانهن انا عندي في الأمارات أنثى حمراء وذكر اسود وولدة الام و سوت ثالاث ارانب سود صغار وأكلة وحدة منهن....ليش؟... وحدة ماتت بعد فتره يمكن بسبب الحر اللي عندنا هيه ماتت وكان عمرها شهر و بعد ما رديتهن بره ماتت.. بس لا تخاف سويت لهن مكان حلو وهادي تحت شجر مريح بالنسبة للأرانب وهذي الولادة كانت أول شهر 2 هذي السنة وقبل ما سافر المغرب للدراسة - ومازلت في المغرب - قبل شهرين ولدة 4 أرانب صعار حلوين واحد أحمر و ثلاث سود وبعد ثلاث أسابع ثلاث منهم مادري وين راحو دورت عليهم ما حصلتهم مع إن القفص عليه قفل و المهم أنا اشتريت قفص أكبر و أحسن و أنحين عندي أربعة أرانب الأم و بناتها الثنتين السود و أبوهن الأسود و إن شاء الله يوم برجع الأمارات شهر واحد أول السنة الجديدة ابي أشتري ارانب بس المشكلة مب في الفلوس المشكلة بالفصائل نادرة جدا في الامارات بس موجود الارانب العادية و في سوق في الشارجة حصلت فيه فصيلتين من الارانب ابيك تخبرني شو هن و إذا كانوا جيدين للتربية ولا لا انا يعني اباهن للهواية بس مب للأكل ولا للفرو بس يهمني اللون ويهمني الفصيلة و المضهر لمتعتي .. حصلت ارانب كبيرة الحجم راسها نسبيا كبير ولونها ابيض و حليبي و حصلت ارانب متوسطة الحجم بيضاء مكسوه بالشعر.....ابيك تخبرني عنهن وفي سؤال واحد بعد ليش لام كل ابنائها سود يعني شو تقترح اغير الاب على فكره الام عزيزة علي وايد وايد فشو الحل الأب اجيبله انثى غير والام اغير رجلها.....ولا شو؟ صبر في سؤال كيف اعرف جنس الارانب المولودة حديثا؟؟؟؟:p وشكرا |
رد: اسئل هنا عن الارانب؟
هاي
أسف تذكرت شي عندي موضوع منفصل عن السابق لك وبخصوصك اول شي أبيك تخبرني شو الفصائل اللي عندك؟ وثاني شي ابي أشوف صورهن؟ وثالث شي انت من اي دوله خيو ترى مهم اعرف علشان السؤال الخامس؟ ورابع شي ابي اصير عضو في قسم القوارض كيف؟؟؟؟؟وهذا اهم شي خصوصا في قسم الارانب و السوئال الخامس بعد ما عرف هذي الأربعة اسئلة بخبرك شو يدور في بالي... مـــــــــــــــــــشـــــــــــــــــــــــــــكور._. |
رد: اسئل هنا عن الارانب؟
اخوي أزمرل إمبرطور الجمال اولا هلا فيك بمنتديات تو زوو وبقسم القوارض خصوصا وان شاء الله تستفيد وتستمتع ويانا بالنسبة لاسئلتك الاولى الام كلت اولادها الي تقول ممكن اختفو وبالنسبة للي اكيد ففي عدة اسباب - خوف الام عالصغار - ان الام تكون حاسه انه مو عايش بتاكله عشان ما يستهلك حليب ويستفيدون منه باقي اخوان هذي اكثر الاسباب المنتشرة وبالنسبة للون فاكيد الجين الاسود اقوى ممكن تحصل باجداد الام اسود او احد ابوانها فعشان كذا يطلع اغلب الصغار سود بالنسبة للانواع يفضل تجيب نفس النوع لو ناوي تزيدهم زوج لانه التهجين مو حلو ابدا ومانصح فيه ابدا الانواع الي ذكرتها ماقدر احدد من مجرد الكلام لكن نسبيا الاول ممكن جاينت والثاني انغورا واكو موضوع يتحدث عن انواع الارانب بالصور تقدر تستفيد منه ودامك تحط الارانب بالخارج لك هالنصايح جيب حقهم جرار الفخار الكبيره وحطلهم داخلها قش بالشتاء تكون دافيه وبالصيف رش عليها ماي من برا وراح تبرد وتقدر تجيب جرار صغيرة وتعبيها ماي وتغطيها بحيث تتاكد ما يقدر الارنب يطيحها وحطها لهم عشان تبرد الجو وتقدر ترش القفص الارضية بشرط الارانب ما يجيهم ماي واسقف القفص عشان الشتاء والامطار باذن الله =-= الثانية حاليا ماعندي ارانب لاني ابحث عن نوع معين سبق ربيت الفرنسي \ السيامي (الهملايا) \ الهولندي صور للاسف ماعندي شي حاليا وانا من سكان الرياض - المملكة العربية السعودية وحياك بالقسم اي وقت انت تحب |
رد: اسئل هنا عن الارانب؟
تشرفة فيك خيووووووووووووووو
ومشكورا وايد وايد |
رد: اسئل هنا عن الارانب؟
السلام عليكم
إشتريت عدة أرانب صغيرة و بعد عدة أيام لاحظت على واحد منها أنه يعاني إفرازات حول إحدى عينيه وسقوط بعض الوبر من حولها . هل تعني هذه الأعراض لأنه مصاب بمرض و يجب التخلص منه . شاكرين تعاونكم. |
رد: اسئل هنا عن الارانب؟
عندى سؤال اذا سمحت تفيدنى
انا عندى ارنبة ولدت نت يومين عادى اخلى الذكر معها ولا افصلة عنها يا ريت تفيدنى ؟ |
رد: اسئل هنا عن الارانب؟
اخوي iha_nd ياليت شرح اكثر لحالة الارنب ويفضل عزله عن البقيه لحين تحديد المرض واي علامات اخرى ياليت تذكرها عشان اقدر افيدك .,.,. اخوي marimar الافضل ونصيحتي انك تعزل الذكر لحين فطام الصغار يعني لما يكملون ( 3 شهور ) |
رد: اسئل هنا عن الارانب؟
عندي جوز ارانب ولاحظت ان الانثا بطنها انتفخ اتوقع حامل
سوالي اخوي الغالي كم عدد ايام الحمل عند الارنب ؟ وهل لازم اعزل الذكر عنها ولا اخليه عادي ؟ مشكور على مووضعك الحلوو |
رد: اسئل هنا عن الارانب؟
اخوي عدد ايام الحمل من 28 الى 30 يوم
يعني تقدر تقول شهر تقريبا ولو الانثى مافي غيرها هي والذكر عادي خليهم مع بعض دامه ماهو مزعجها بس لو كان يحاول يتزاوج منها سواء الحين او بعد ما تولد يفضل عزلة ولكن هل انت متاكد انها حامل؟ وبالتوفيق |
رد: اسئل هنا عن الارانب؟
مشكور يالغالي
بس مو متاكد مره لكن شكلها تغير من يوم جبنت الذكر وخاصه بطنها انتفخ شوي ممكن تعلمني كيف اعرف انها حامل ؟ يعطيك العافيه |
رد: اسئل هنا عن الارانب؟
اخوي مو ممكن تعرف لو جامل او لا الا من طريقة الجس وهذي مايعرفها الا الخبراء
طيب فيه علامات ثانية غير انتفاخ البطن ؟ |
رد: اسئل هنا عن الارانب؟
المشكله ماني خبير يعني ماعرف عن طريق الجس
ومالاحظت عليها شي ثاني غير اتنفاخ البطن |
رد: اسئل هنا عن الارانب؟
دام كذا اخوي ان شاء الله مافيها شي وتكون حامل
بس كم لبطنها منتفخ ؟ وظل راقبها اذا عليها علامات غير الانتفاخ او لا |
رد: اسئل هنا عن الارانب؟
لها تقريبا اسبوع وهي طبيعيه جدا مو ملاحض عليها شي ثاني
ومشكور يالغالي |
رد: اسئل هنا عن الارانب؟
دام كذا اخوي انت غذيها زين
وان شاء الله ما يكون فيها الا العافية ومتى ما لاحظت عليها شي غريب عطني خبر |
رد: اسئل هنا عن الارانب؟
ان شالله نفرح بعياله قريب احلى واحد بسميه رعووود هههههه
جزاك الله خير يالغالي وما نستغني عنك انت وجميع الاخوان |
رد: اسئل هنا عن الارانب؟
يتم ترتيب الموضوع وفرز الاسئلة |
| جميع الأوقات بتوقيت GMT +3. الساعة الآن 05:07 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو